Këshilli Bashkiak Lushnjë zhvillon mbledhjen e fundit në pritje të konstituimit të këshillit të ri dalë nga zgjedhjet e 14 Majit

Këshilli Bashkiak i Lushnjës përmes mbledhjes së fundit të zhvilluar këtë të martë (22 Maj) mbylli zyrtarisht edhe punën e tij për këtë legjislature duke i hapur rrugë konstituimit të Këshillit të ri Bashkiak të dalë nga zgjedhjet vendore të 14 Majit 2023.

Në mbledhjen e fundit të legjislaturës 2019-2023, pika e vetme në rendin e ditë ishte projektvendimi për miratimin e ndihmës ekonomike. Kryetari i Këshillit Bashkiak Ferdinand Gjermeni e konsideroi të suksesshëm punën 4-vjecare të këtij institucioni, sidosmo në kushtet kur mungoi opozita kryesore ndërsa për muaj me radhe veprimtaria e Këshillit u ndikua edhe nga pandemia e Covid-19. Gjermeni vlerësoi gjithashtu bashkëpunimin me drejtuesit e bashkisë gjatë këtyre viteve për të marrë vendime të rëndësishme për Lushnjën dhe lushnjarët të cilët do ta kenë impaktin në vazhdimësi, sikurse janë kthimi i shërbimeve të pastrimit dhe gjelberimit nga privat në publik.

Ndërsa kryetarja e bashkisë Eriselda Sefa e konsideroi punën e bërë nga Këshilli Bashkiak serioze dhe transparente, duke falenderuar këshilltarët për angazhimin e tyre si individe të veshur me përgjegjësi publike për të marrë  vendime që I sherbejne përmirësimit të cilësisë së jetes së qytetareve.

Një nga aspektet më të rëndësishme të punës së Këshillit Bashkiak gjatë këtyre 4 viteve ka qënë transmetimi online i mbledhjeve përmes projektit “Bashki të Forta” që mbështetet nga qeveria zvicerane. Transparence dhe informimi i qytetareve për vendimarrjet e Këshillit Bashkiak do të jetë prioritet i këtij organi edhe për mandatin e ri 2023-2027.

 

 

Ftesë për pjesmarrje/ 26 dhe 29 maj Dëgjesa Publike për Projekt Buxhetin Afatmesem 2024-2026, Bashkia Lushnjë

Bashkia Lushnjë do të zhvilloje në dy ditë të ndryshme dëgjesa publike për Projekt Buxhetin Afatmesem 2024-2026 .

Konsulta e parë publike me komunitetin dhe grupet e interesit do të zhvillohet ditën e premte, data 26 Maj ora 14:00 në ambjentet e Muzeut Historik.

Ndërsa dëgjesa e dyte publike do të zhvillohet ditën e hënë, datë 29 Maj, ora 14:00, në të njëjtin ambjent, Muzeu Historik.

Bashkia Lushnjë fton qytetarët, bizneset dhe cdo kategori sociale të bëhen pjesë e konsultimeve publike, të cilat orientojnë ndjeshëm politikat institucionale të bashkisë Lushnjë.

 

Dëgjesë publike për Projekt Buxhetin Afatmesëm (PBA 2024-2026) për Bashkinë Lushnje

Lushnje/ Rehabilitohen fasadat e pallateve në lagjen “Loni Dhamo”

Fasadat e pallateve në lagjen “Loni Dhamo” në Lushnjë po rehabilitohen, një investim i cili i jep një tjetër vlerë kësaj zone.

Kryetarja e bashkisë, Eriselda Sefa së bashku me kreun e grupit parlamentar të PS Taulant Balla panë nga afër punimet që po kryhen në bashkëpunim me Fondin Shqiptar të Zhvillimit.

“Po kryhet rehabilitimi i 7 pallateve, të cilat do të vishen me kapot. Pa përfundimit të fasadave do të bëjmë edhe rehabilitimin e zonës dhe gjelbërimin e saj”, theksoi Sefa e cila shtoi se ky projekt ka pasur një impakt shumë të mirë tek qytetarët.

“Kemi pasur një bashkëpunim shumë të mirë me qytetarët, sepse ka pasur disa kangjella e rrethime, të cilat i kemi hequr. Përveç rehabilitimit të pallateve dhe ambientit përreth do të vendosim edhe një kënd lojërash për fëmijë”, shtoi Sefa.

Drejtuesja e bashkisë tha se kjo zonë e Lushnjës do të marrë një pamje edhe më të bukur pasi të përfundojë investimi madhor për rehabilitimin e Unazës së Lushnjës, segment që kalon edhe në lagjen “Loni Dhamo”, punë që do të rrise ndjeshëm edhe vlerën e pronave në këtë zonë të qytetit.

Sefa dhe Balla e vunë theksin edhe tek puna për heqjen e depozitave të ujit nga taracat e pallateve tanime që Lushnja furnizohet 24 orë me ujë në ditë.

 

                   

Rehabilitimi i Përroit të Lushnjës ecën me ritme të kënaqshme, deri tani janë kryer 35% e punimeve

Puna për rehabilitimin total të Përroit të Lushnjës po ecën me ritme të kënaqshme. Projekti më i rëndësishëm infrastrukturor në Lushnjë deri më tani është zbatuar në masën 35% të ndërhyrjes totale.

 

Gjatë këtyre muajve është punuar në shtratin e përroit me gjatësi 1100 ml  dhe paralelisht në dy segmentet rrugore që shoqerojnë këtë gjatësi , në rrugët “Lasgush Poradeci”  dhe “Harun Sefa”.

 

Në pjesën e përroit është bërë pastrimi i tij dhe krijimi i seksionit të betonuar. Ndërsa tek dy segmentet rrugore  janë kryer punime prishje mure rrethuese dhe ndërtim i tyre, punime infrastrukture dhe punime për krijimin e shtratit të rrugës sipas projektit.

 

Projekti për rehabilitimin e përroit veç pjesës teknike përfshinë edhe ndërtim trotuari, korsi biçiklete nga një anë, ndërtimi i dy urave me konstruksion metalik si dhe dy rrugëve paralel me përroin.

 

Ky investim do të ketë një impakt direkt në cilësinë e jetës së mijëra banorëve që jetojnë në lagjet përreth përrorit, por edhe më tej të të gjithë qytetit sepse mund të përdoret si hapësire rekreative nga të gjithë qytetarët.