Lushnjë/Bashkia dhe agjencitë ligjzbatuese sensibilizim publik për parandalimin e kultivimit të bimëve narkotike.

Parandalimi, konstatimi dhe goditja e veprimtarisë kriminale të kultivimit të bimëve narkotike, ishin në fokus të takimit të zhvilluar mes perfaqesuesve te Bashkise Lushnje dhe atyre të agjencive ligjzbatuese në ambjentet e Muzeut Historik.

 

Në këtë takim morën pjesë Kryetarja e Bashkisë Lushnjë znj. Eriselda Sefa, një përfaqësues i Prokurorisë Lushnjë, Zëvëndësdrejtori për Rendin dhe Policimin në Komunitet Drejtues Besnik Kongjonaj, Shefi i Komisariatit të Policisë Lushnjë Komisar Agim Basha, shefat e seksioneve për Hetimin e Krimeve dhe ai i Policimit në Komunitet, kryetarët e njësive administrative, kryetarët e fshatrave, inspektorë të pyjeve, punonjës të OSHEE-së, inspektorë të mbrojtjes së territorit, përfaqësues nga shërbimi zjarrfikës, si dhe banorë të rrethit.

 

Pjesëmarrësit diskutuan mbi detyrat dhe përgjegjësitë e gjithsecilit, për parandalimin dhe goditjen e kësaj veprimtarie, si dhe vunë theksin te bashkëpunimi i ngushtë dhe te marrëdhënia e besimit që duhet të promovohet në raport me qytetarët, me qëllim reagimin e menjëhershëm të strukturave përgjegjëse.

 

 

Skema e Mbështetjes në Bujqësi/ Ja ku mund të aplikoni deri në 11 prill dhe dokumentat e nevojshme

Të nderuar FERMERË, aplikoni në Skemën Kombëtare të Mbështetjes në Bujqësi për vitin 2023!

Përfitues për masat mbështetëse mund të jenë fermerë individual, grup fermerësh, persona fizik dhe juridik, Shoqëri të Bashkëpunimit Bujqësor dhe Grupet Vendore të Veprimit.

 

Për masat direkte aplikimi bëhet online me zero dokumenta përmes portalit e-Albania:

 

Mbështetje për tufën bazë të matrikulluar ( gjedhë).

Mbështetje për tufën bazë të matrikulluar ( dele, dhi).

Bletaria

Fara, fidanë dhe inpute të tjera.

Fermat organike, Certifikimi Global Gap.

Rinovimi i infrastrukturës së anijeve të peshkimit.

Mbështetje për ndërtimin e tregjeve bujqësore.

Mbështetje me naftë për kryerjen e punimeve të mekanizuara në bujqësi.

Gjithashtu mund të drejtoheni edhe tek sportelet e AREB, Agropika por edhe në zyrat e të gjitha Njësive Administrative të Bashkisë Lushnjë.

 

Dokumentat me të cilat çdo fermerë duhet të jetë i pajisur:

1- NIPT fermeri (Aktiv)

2- ID (kartë identiteti) /Pasaportë

3 -AMTP e tokës ose (certifikatë+harta treguese+kartela)

4- Adresë portali e-Albania.

Aplikimet fillojnë nga data 20 Mars deri më 11 Prill 2023.

Për çdo informacion të nevojshëm vizitoni : https://azhbr.gov.al/

Sondazhi për Prioritetet e Komunitetit/ Këshilli Bashkiak rekomandon vëmendje të shtuar për 4 programe

 

Këshilli Bashkiak i Lushnjës zhvilloi një sondazh online për të evidentuar prioritetet e komunitetit në të gjithë territorin e Bashkisë.

Duke marrë në konsiderate përpilimin e të dhenave statistikore nga ky sondazh, Këshilli Bashkiak Lushnjë, përmes Komisionit të Ekonomisë dhe Problemeve Sociale e Strehimit, iu drejtua zyrtarisht Kryetares së Bashkisë Znj.Eriselda Sefa duke kërkuar që disa nga funksionet e përfshira në sondazh, që kanë pasur edhe numrin më të lartë të interesit të shprehur nga qytetarët, të reflektohen nga administrata bashkiake si prioritete për t’u përfshirë në buxhetin e ardhshëm bashkiak të vitit 2024 si pjesë e Buxhetit Afatmesem 2024-2026.

Mbështetja për Zhvillimin Ekonomik, Shërbimet Bujqësore, furnizimi me ujë dhe kanalizime si dhe Sherbimet Publike Vendore dhe ndriçimi janë rekomandimet kryesore që vijnë si sugjerime nga qytetarët, për më shumë vëmendje në vazhdimësi në planifikimet financiare të Bashkisë.

Këshilli Bashkiak Lushnjë thekson se bashkëpunimi i vazhdueshëm me administratën bashkiake dhe kryebashkiaken Sefa për të reflektuar nevojat komunitare në prioritetet e punës së Bashkisë, do të vazhdojë të jetë efektiv, sikurse ka qënë i tillë nga  nisja e punës në korrik 2019 e deri më tani.

 

https://bashkialushnje.gov.al/wp-content/uploads/2023/03/Rezultatet-e-Sondazhit-te-Prioriteteve-te-Komunitetit-te-Bashkise-Lushnje-1.pdf

Rikualifikohen fasadat e pallateve në Lushnjë, nis puna në lagjen “Loni Dhamo”

Nis puna për rikualifikimin e fasadës së pallatave në bllokun e banimit të lagjes “Loni Dhamo” në Lushnjë.
 
Investimi i qeverisë shqiptare përmes Fondit Shqiptarë të Zhvillimit synon të rehabilitoje totalisht pjesën e jashtme të një numri të konsiderueshëm pallatesh brenda pak muajsh! Qindra familje do të jenë përfituese nga ky projekt që synon të përmirësoje ndjeshëm imazhin e krejt zonës, duke rritur edhe vlerën e pronave!