Prioritetet e investimeve në Bashkinë Lushnjë; Këshilli Bashkiak pyetësor për të tërhequr rekomandimet e qytetarëve

Këshilli Bashkiak Lushnjë, ka hartuar një pyetësor për të tërhequr rekomandimet, sugjerimet dhe prioritetet e qytetarëve dhe grupeve të interesit që e realizojnë veprimtarinë e tyre në territorin e Bashkisë Lushnjë, me qëllim përfshirjen e zërit qytetar në vendimmarrje.

Ky pyetësor është hartuar dhe miratuar nga Kryesia e Këshillit të Bashkisë Lushnjë në bashkëpunim edhe me administratën e Bashkisë Lushnjë.

Ftojmë qytetarët e Bashkisë Lushnjë të shprehin rekomandimet dhe sugjerimet e tyre për prioritetet e vitit 2025 në buxhetin bashkiak, me qëllim përmirësimin e shërbimeve publike dhe rritjen e nivelit ekonomik të banorëve që jetojnë e punojnë në territorin e Bashkisë Lushnjë.

 

Pyetësori për Prioritetet e Investimeve në Bashkinë Lushnjë

 

Drejtoria e Shërbimeve, bashkia Lushnjë zhvillon Dëgjese Publike me grupet e interesit për miratimin e linjave rrethqytetase dhe të vendqëndrimeve për transportin publik

Administrata e bashkisë Lushnjë zhvilloi të hënën, më datë 29 janar 2024, një dëgjesë publike me objekt kërkesën për miratimin e linjave rrethqytetase dhe të parkimit për taksitë dhe autobuzët e transportit publik.

 

 

Drejtoria e Përgjithshme e Shërbimeve Publike, Zhvillimit Urban dhe Ruralë kishte si synim konsultimin, informimin e opinionit publik dhe diskutimin me palët e interesuara (operatorët e transportit)  mbi  miratimin e linjave rrethqytetase, si dhe saktësimin dhe miratimin e vendqëndrimeve te parkimit për taksi 4+1, 8+1 dhe autobuzëve, për një periudhë trevjeçare deri në vitin 2027.

 

Në këtë takim morën pjesën operatorë të transportit në bashkinë Lushnjë si dhe qytetarë të ndryshëm.

 

Subjektet e interesuara  dhanë rekomandimet e tyre për administratën bashkiake qoftë për miratimin e linjave rrethqytetëse, ashtu edhe për saktësimin dhe miratimin e vendqëndrimeve te parkimit për taksi 4+1, 8+1 dhe autobuzëve, për periudhën trevjeçare, 2024-2027.

 

 

Konstituohet Këshilli Bashkiak i Lushnjës, Eriselda Sefa betohet dhe merr detyrën

Këtë të martë u zhvillua mbledhje e Konstituimit të Këshillit Bashkiak Lushnjë e pasuar edhe nga betimi i znj.Eriselda Sefa si kryetare e bashkisë Lushnjë.

Në krye të Këshillit Bashkiak Lushnjë për  mandatin e ri të pushtetit lokal 2023-2027 u zgjodh me shumicë votash Z.Erjet Dhima, ndërsa Zv.Kryetare Znj,Merjeme Dervishi dhe Znj.Kozeta Guçi.

Këshilli Bashkiak Lushnjë me votim të fshehte përcaktoi edhe pesë anëtarët që do të përfaqësojnë Lushnjën në Këshillin e Qarkut Fier.

Pas betimit, Znj.Eriselda Sefa në fjalën e saj të parë si kryetare e rizgjedhur për një mandat të plotë, konfirmoi angazhimin për të qeverisur me transparence të plotë, përkushtim maksimal dhe komunikim të vazhdueshëm jo vetëm me të gjitha forcat politike të përfaqësuara në Këshillin Bashkiak, por mbi të gjitha bashkëqeverisje me qytetarët, të cilët do të gjejnë sikurse tha Znj.Sefa, tek bashkia Lushnjë, një derë të hapur për cdo shqetësim me interes publik dhe jo vetëm.

Të pranishëm në mbledhjen e Konstituimit Prefekti Z.Lefter Shehaj, kreu i grupit parlamentar të PS, Z.Taulant Balla si dhe deputetë të parlamentit të Shqiperisë për qarkun Fier.

Këshilli Bashkiak Lushnjë zhvillon mbledhjen e fundit në pritje të konstituimit të këshillit të ri dalë nga zgjedhjet e 14 Majit

Këshilli Bashkiak i Lushnjës përmes mbledhjes së fundit të zhvilluar këtë të martë (22 Maj) mbylli zyrtarisht edhe punën e tij për këtë legjislature duke i hapur rrugë konstituimit të Këshillit të ri Bashkiak të dalë nga zgjedhjet vendore të 14 Majit 2023.

Në mbledhjen e fundit të legjislaturës 2019-2023, pika e vetme në rendin e ditë ishte projektvendimi për miratimin e ndihmës ekonomike. Kryetari i Këshillit Bashkiak Ferdinand Gjermeni e konsideroi të suksesshëm punën 4-vjecare të këtij institucioni, sidosmo në kushtet kur mungoi opozita kryesore ndërsa për muaj me radhe veprimtaria e Këshillit u ndikua edhe nga pandemia e Covid-19. Gjermeni vlerësoi gjithashtu bashkëpunimin me drejtuesit e bashkisë gjatë këtyre viteve për të marrë vendime të rëndësishme për Lushnjën dhe lushnjarët të cilët do ta kenë impaktin në vazhdimësi, sikurse janë kthimi i shërbimeve të pastrimit dhe gjelberimit nga privat në publik.

Ndërsa kryetarja e bashkisë Eriselda Sefa e konsideroi punën e bërë nga Këshilli Bashkiak serioze dhe transparente, duke falenderuar këshilltarët për angazhimin e tyre si individe të veshur me përgjegjësi publike për të marrë  vendime që I sherbejne përmirësimit të cilësisë së jetes së qytetareve.

Një nga aspektet më të rëndësishme të punës së Këshillit Bashkiak gjatë këtyre 4 viteve ka qënë transmetimi online i mbledhjeve përmes projektit “Bashki të Forta” që mbështetet nga qeveria zvicerane. Transparence dhe informimi i qytetareve për vendimarrjet e Këshillit Bashkiak do të jetë prioritet i këtij organi edhe për mandatin e ri 2023-2027.