Mbi gjashtë mije nxënës të arsimit parauniversitar nisën vitin e ri shkollor 2024-2025 në bashkinë Lushnjë

Mbi gjashtë mije nxënës të arsimit parauniversitar nisën vitin e ri shkollor 2024-2025 në bashkinë Lushnjë. Gjatë gjithë periudhës së verës pushteti lokal punoi për të përmirësuar mjedise arsimore aty ku ishte e nevojshme të ndërhyhej në ambientet e brendshme dhe fasadat e godinave. Në nisje të procesit mësimor, kryetarja e bashkisë Zonja Eriselda Sefa vizitoi nga afër disa shkolla në qytet dhe Njësitë Administrative duke ndarë me nxënësit dhe mësuesit mesazhet e rastit. Përvec urimit për rezultate të larta në procesin mësimor për cdo nxenës, Zonja Sefa tha se celësi i suksesit është bashkëpunimi sa më efikas në trekëndëshin mësues-nxenës-prindër.

Kryetarja e bashkisë shtoi se institucionet publike, qeveria dhe pushteti vendor kanë detyrimin që ti ofrojnë pranë stafeve arsimore dhe nxënësve kushtet e duhur për të zhvilluar mësim me standarte sa më të mira. Zonja Sefa iu referua investimeve të shumta që qeveria shqiptare dhe bashkia Lushnjë kanë kryer për përmirësimin e dukshëm te infrastrukturës arsimore duke rikonstruktuar disa shkolla, kopshte dhe çerdhe në mbarë territorin e Lushnjës, pa lënë mënjanë edhe fusha sportive dhe pallate sporti që janë në funksion të shkollave.

“Bashkë me urimin e përzemërt për sa më shumë suksese, gjej rastin të konfirmoj vullnetin e palëkundur të Bashkisë Lushnjë dhe qeverisë shqiptare për të përmirësuar edhe më tej infrastrukturën arsimore, sikurse është rasti me projektet që vijojnë për shkollat e reja 9-vjecare në Golem dhe Karbunarë apo edhe gjimnazin e njohur “Jani Nushi” në qytet!”

 

“Ditët e Bujqësisë 2024″/ Kryebashkiakja Eriselda Sefa: Panairi, ngjarja më e madhe bujqësore në vend

Hapja e edicionit të tretë të Panairit të Bujqësisë në Lushnjë u përshëndet nga kryetarja e bashkisë Znj.Eriselda Sefa. Ajo vuri në dukje përmasat e konsiderueshme që ka marrë panairi i cili këtë vit ka 90 kompani prestigjoze nga vendi e bota si dhe mijera vizitore. Kryebashkiakja shtoi se “Ditët e Bujqësisë” janë eventi më i rëndësishëm i këtij sektori në vend dhe pikë takimi dhe rrjetëzimi për aktorët e bujqësisë e blegtorisë në vend, institucione, biznese, fermerë e specialistë të fushës.

 

Më poshtë fjala e plotë e kryebashkiakes Znj.Eriselda Sefa.

 

Të nderuar miq, e nderuar Zonja Denaj, Ministre e Bujqesisë dhe Zhvillimit Rural, i nderuar Z.Faton Peci Minister i Bujqesise, Pylltarisë dhe Zhvillimit Rural të Kosovës, i nderuar z.Salih Gjonbalaj Sekretar i Përgjithshëm i Ministrisë së Bujqesise në Malin e  Zi, të dashur fermere dhe përfaqësues të kompanive të sektorit bujqesoro- blegtoral nga vendi e rajoni: Mirë se vini në Lushnjë, Mirë se vini në Panairin më të rëndësishëm të këtij lloji në vend “Ditët e Bujqësisë 2024”.

Jemi shumë të lumtur që sot në edicionin e trete të këtij eventi ndërkombëtar, ne jemi rritur e jemi konsoliduar edhe më shumë duke e kthyer panairin ne piken kryesore te takimit dhe rrjetëzimit për sektorin e bujqësisë, duke tërhequr vëmendjen e mijëra vizitorëve nga e gjithë Shqipëria dhe rajoni. Ishte realisht një sfide me veten e jo vetëm, iniciativa e ndërmarrë në 2022 për ti dhënë Lushnjës dhe mbarë zonës së Myzeqese një ngjarje të këtyre përmasave, ndaj sot besoj se kjo sfide është realizuar me sukses në mënyrë te vecante falë një organizimi perfekt në detaj nga Iceberg Exhibitions, e cila falë përvojës 25 vjecare ne treg na e ka bërë më të lehte menaxhimin e tre ditëve të Panairit.

“Ditët e Bujqësisë”, që mbahet në prill të çdo viti, është eventi më i madh dhe me më shumë ndikim në sektorin e bujqësisë dhe blegtorisë në Shqipëri që vjen si bashkëpunim mes bashkisë Lushnjë dhe Ministrisë së Bujqesise dhe Zhvillimit Rural. Më lejoni që në krye te herës të falenderoj Ministren Denaj e cila na ka mbështetur shumë dhe është kujdesur që cdo shqetësim i yni si pushtet lokal për sektorin bujqesor dhe atë blegtoral dhe adresohet shpejt dhe të marrë zgjidhje.

Objektivat që synohen të arrihen përmes panairit përfshijnë edukimin, ndërgjegjesimin, rrjetezimin, informimin dhe mundësinë për marketing në sektorin e bujqësisë, duke përfshirë nënsektore si bujqësia, blegtoria, shpendët, peshkimi, etj.

Këtë vit në panair marrin pjesë rreth 90 kompani dhe institucione, si ekspozues nga Kosova, Mali i Zi, Greqia, Serbia, Italia, Austria etj, duke ofruar mundësi të pafundme për bizneset dhe profesionistët për sektorin, duke mbuluar jo vetëm një treg lokal e kombëtar, por gjithashtu edhe ndërkombëtar. Ndaj edhe njehere tjeter mirënjohje për të gjithë ju si biznese e kompani që jeni pjesë e këtij eventi.

Qëllimi kryesor i panairit në fakt është krijimi i një platforme komunikimi për bizneset për të inkurajuar partneritete të reja dhe bashkëpunime në sektorin bujqësor. Ndaj, në tre ditët e panairit, do të organizohen shumë aktivitete, duke përfshirë takime biznesi, sesione informuese, ëorkshope dhe konferenca.

Sektori i bujqësisë në Shqipëri luan një rol kyç për ekonominë e vendit, duke dhënë një kontribut prej 20% të prodhimit të brendshëm bruto dhe duke angazhuar rreth një të tretën e forcës punëtore në vend, ndërsa Myzeqeja dhe vecanërisht Lushnja kanë një rol të rëndësishëm brenda këtij sektori duke qene se zë 1/5 te ekonomisë së vendit.

Lushnja, njihet si “hambari” i Shqipërisë për potencialin në bujqësi, me një sipërfaqe të madhe tokësore dhe një volum të lartë prodhimi në shumë kultura bujqësore, si dhe me një numër të konsiderueshëm prej 11.150 fermerësh. Bashkia e Lushnjës ka toka te pjellorise se larte, prodhim bujqesor gjithevjetor, pika shumice te mjaftueshme me standarte qe grumbullojme prodhimin jo vetëm lokal, por edhe të zonave përreth, pa lënë mënjanë ciklin e plote te prodhimit dhe perpunimit te produkteve blektorale.

Permiresimi i mekanikes bujqesore është i dukshëm ndonese përdorimi i teknologjisë në këtë sektor ka ende punë për të bërë, një aspekt që do të rriste efikasitetin e prodhimit dhe do të ulte kostot.

Nga ana tjetër, të gjithë aktoret publik e privat në fushën e bujqesise dhe blegtorise kanë nevoje te adresojnë vazhdimisht një shqetësim që është ende real dhe i prekshëm sikurse siguria ushqimore, një aspekt jetik  edhe kur vjen puna për tu përafruar me standartet europiane, rrugën e së cilës e kemi nisur pa kthim.

Rritja e ndjeshme e eksporteve vit pas vitiështë tregues që tregues se fermeret dhe sipermarrjet locale bujqesore dhe blegtorale kanë adresuar mirë shqetësimet që lidhen me cilësinë dhe standartet e produkteve, ndonese ky është një proces i vazhdueshëm kërkon bashkëpunim të frytshëm mes palëve.

Mjafton të permendim vetëm një periudhe tremujore janar-mars 2023- dhe janar-mars 2024 për të dëshmuar rritjen e  eksporteve te produkteve nga bashkia Lushnjë drejt tregjeve kryesisht ndërkombëtare nga 10 mijë e 712 tonë, në 11 mijë e 505 tonë.

Një tjeter aspekt i rëndësishëm është konsolidimi i vazhdueshëm i zinxhirit bujqesoro-blegtoral sikurse prodhimi në fushë, përpunimi dhe më pas konsumi, e cila garanton padiskutim ate që njihet ndryshe bujqësia e qëndrueshme,  e cila fuqizon ekonomine lokale dhe kombëtare.

E meqenese jemi tek zhvillimi ekonomik, që në fundore është thelbi i këtij panairi do të doja rë evidentoja dy elementë të rëndësishëm të tjerë nga potenciali lokal i Lushnjes, agroperpunimi dhe agroturizmi aspekte natyrisht që mund të trajtohen edhe ne panelet e këtij panairi, të cilat kanë nevoje për bashkëpunim të shtuar institucional. Po ju sjell në vëmendje një rast suksesit të vitit të kaluar.

Marrëveshja institucionale me Italinë për eksportin e vajit të ullirit rezultoi mjaft efikase për qindra familje të Lushnjës, apo edhe biznese që janë pjesë e këtij sektori, pasi u garanatua shitja e produktit, madje edhe me cmim më të mirë. Në nivel lokal, si bashki përmes politikes tone fiskale kemi favorizuar grate e zonave rurale dhe të rinjte që duan të investojmë në agroturizëm, duke i zeruar detyrimet tatimore në vitet e para.

Një tjeter pozitiv për fermerin ka qënë edhe skema e subvencionimit e cila këtë vit shënoi një rritje të ndjeshme të numrit të aplikanteve qoftë përmes aplikimit individual, ashtu edhe për grupimet e fermereve, të cilët përmes këtyre formave të bashkëpunimit jo vetëm përfitojnë më shumë, por synojnë edhe tregje me benefite më të mëdha financiare.

Gjithcka përmenda deri më tani, lidhet jo vetëm me tokën me të cilën na ka bekuar Zoti, jo vetëm me shërbimet, që janë një detyrim institucional, por më së shumti lidhen me njerezit, me njerezit punëtore të Lushnjës e mbarë Myzeqese, të cilët falë mundit dhe djersës së tyre i sherbejnë një konsumatori lokal, rajonal dhe ndërkombëtar. Ndaj ky panair, të dashur bashkëqytetare, të dashur fermerë është më së shumti për ju, me besimin se cdo stendë, cdo panel, cdo diskutim, do të përkthehet në një benefit financiar, sot dhe neser për zhvillimin e ekonomisë lokale dhe asaj kombëtare.

Edhe njehere tjeter faleminderit të gjithëve!

Panair sa më të mbarë e të frytshëm dhe uroj që vec angazhimit këtu, të shijoni edhe Lushnjen me të gjithë mikëpritjen e saj, që është traditë e veçantë për myzeqarët!

 

 

 

Banesat Sociale në Lushnjë; ja kriteret për familjet që mund të aplikojnë

NJOFTIM

 

Në kuadër të bashkëpunimit institucional midis Entit Kombëtar të Banesave (EKB) dhe Bashkisë Lushnje lidhur me mundësinë e ndërtimit të një objekti me kosto te ulet, informon të gjithë qytetarët e saj, të cilët janë të interesuar për të aplikuar për banesa me kosto të ulët (BKU), të paraqesin kërkesat e tyre pranë Institucionit tonë.

Kuptimi i banesave me kosto të ulët:

 

Banesë me kosto të ulët (BKU) konsiderohet banesa që plotëson të gjitha kushtet teknike, standardet e ndërtimit dhe normat e strehimit në fuqi, që është e paracaktuar për t’u disponuar në pronësi nga përfituesi, nëpërmjet formave të ndryshme të lehtësimit nga institucionet shtetërore.

Banesat me kosto të ulët që sigurohen nëpërmjet ndërtimit, në njësitë e vetëqeverisjes vendore, ku vlerat e tregut janë me të larta se kostoja e ndërtimit, shiten me çmim nën vlerën e tregut, por jo nën vlerën e kostos së ndërtimit.

 

Përfitojnë nga programi i banesave me kosto të ulët (BKU):

 

Familjet me të ardhura mujore jo më të larta se të ardhurat mesatare të njësisë së vetëqeverisjes vendore përkatëse:

 

Vërtetojnë se nuk kanë banesë ose nuk kanë kryer asnjë transaksion për tjetërsimin e pronësisë, të paktën në 5 vitet e fundit, përveç rastit kur pronësia mbi to ka humbur për shkak të një fatkeqësie (vdekje apo sëmundje e rëndë) ose force madhore;

Zotërojnë sipërfaqe banimi nën normat e strehimit;

Janë të zhvendosura nga banesat, sipas parashikimeve të nenit 6 të ligjit “Për strehimin social”.

Personat e interesuar mund të paraqiten pranë Zyrës së Strehimit ose Zyrës së Informacionit në Bashkinë Lushnje, për tu njohur me kushtet dhe proçedurat e aplikimit.

 

 

Konsultim publik/ Dhënia me qira e ngastrës nr.1/b, Balaj-Mollas

Këshilli Bashkiak Lushnjë organizoi në datën 12/02/2024 një Konsultim Publik në lidhje me kërkesen e bashkia Lushnjë për të miratuar dhënien më qira të sipërfaqes prej 500 m2 të ngastrës nr.1/b, e cila bën pjesë në ekonominë pyjore Balaj-Mollas, në Njësinë Administrative Karbunarë.

 

Sipërfaqja prej 500 m2, pronë e bashkisë Lushnjë ishte dhënë me qira një subjekti privat në 5 shkurt të vitit 2019. Duke qënë se kjo kontratë ka përfunduar dhe ka kërkëse të re për ta marrë në përdorim kundrejt qirasë,  u zhvillua ky konsultim publik sipas parashikimeve ligjore për tërheqjen e mendimit te qytetarëve, biznesit, shoqërisë civile apo medias në lidhje me këtë projekt-akt.

Konsultimi Publik u zhvillua në Njësinë Administrative Karbunarë me pjesmarrjen e banorëve të zonës, grupeve të interesit dhe përfaqësuesve të administratës bashkiake dhe Këshilltarë Bashkiakë.

Pas diskutimeve mes të pranishmeve, pati dakortësi për projekt-aktin e paraqitur nga bashkia Lushnjë.