Njoftim për Dëgjesë Publike

Në bazë të ligjit Nr. 146/2014 “Për njoftim dhe konsultim publik”, ligjit Nr. 139/2015 datë 17.12.2015 “Për vetëqeverisjen vendore” neni 18, të Rregullores së Këshillit Bashkiak për konsultimet publike, ju njoftojmë se do të zhvillohet Dëgjesë Publike në kuadër të Hartimit të Paketës Fiskale për vitin 2025.

 

Ftohentë gjitha grupet e interesit si : qytetarë, biznese, fermerë, grupet vulnerabël, të rinjtë, shoqëria civile, etj, që të bëhen pjesë e Dëgjesës për një proçes transparent e gjithëpërfshirës.

 

Dëgjesa Publike zhvillohet në datë 30 Tetor, ora 11:00 në ambientet e Muzeut Historik në Lushnjë.

 

Këshilli Bashkiak Lushnjë, Konsultim Publik për dhënien me qira të një sipërfaqe toke në fshatin Çukas i Ri, Allkaj

Këshilli Bashkiak Lushnjë do të organizojë në datën 15/10/2024 një Konsulm Publik në lidhje me kërkesen e bashkia Lushnjë për të miratuar dhënien më qira të sipërfaqes prej 28594 m2 , me Nr.Pasurie. 23, ZK.1428, e e llojit “Pa frut”, me vendodhje në fshtin Çukas i Ri në Njësinë Administrative Allkaj.

 

Takimi do të jetë publik dhe synon tërheqjen e mendimit të qytetarëve, biznesit, shoqerisë civile apo medias në lidhje me këtë projekt-akt.

 

Këshili bashkiak fton të gjithë të interesuarit të bëhen pjesë e këtij konsultimi publik, i cili do të mbahet në orën 12:00 të datës 15 tetor 2024, në një ambient privat  (lokal) në pronësi të shtetasit Sokol Thaçi, fshati Çukas i Ri, Njësia Administrative Karbunarë.

 

Njoftimi për Konsultimin Publik

 

Kalendari i Konsultimeve

Transparenca dhe llogaridhënia/ Bashkia Lushnjë marrëveshje me Institutin Demokratik Amerikan

Kryebashkiakja Eriselda Sefa në emër të Bashkisë Lushnjë, me mbështetjen e Shoqatës për Autonomi Vendore, nënshkroi një marrëveshje të rëndësishme me Institutin Demokratik Amerikan (NDI), në kuadër të programit të Partneritetit për Qeverisje të Hapur në Nivel Lokal.

 

Qëllimi i kësaj Marrëveshje Mirëkuptimi është krijimi i një kornize bashkëpunimi midis “Bashkia Lushnje”, Institutit Demokratik Amerikan (NDI) dhe Shoqatës për Autonomi Vendore të Shqipërisë (SHAV) për të forcuar qeverisjen demokratike dhe për të rritur kapacitetin e institucionit tonë në promovimin e transparencës, llogaridhënies dhe pjesëmarrjes së qytetarëve.

 

Ky bashkëpunim është në përputhje me standardet dhe parimet e iniciativës së Partneritetit për Qeverisje të Hapur (OGP) dhe synon të mbështesë nismat që promovojnë praktikat e qeverisjes së hapur brenda Bashkisë Lushnjë, duke mbështetur angazhimin e institucionit me një rrjet të qeverisjeve vendore partnere që ndjekin reforma të ngjashme të qeverisjes së hapur.

 

Bashkia Lushnje  shpall thirrjen publike për një vend vakant për anëtarësim në  Këshillin Vendor të  Rinisë, ja kriteret

“Bashkia Lushnje”  shpall thirrjen publike për një vend vakant për anëtarësim në  Këshillin Vendor të  Rinisë.

 

Thirrja është e hapur për të gjithë të interesuarit dhe që plotësojnë kriteret e mëposhtme:

 

Kandidati/ja duhet të jetë banor/e e Bashkisë Lushnje dhe e moshës prej 15 deri 29 vjeç.

 

Përzgjedhja mes individëve që kanë shprehur interes bëhet nga grupi i punës përgjegjës i ngritur pranë Bashkisë Lushnje duke u bazuar në kriteret dhe procedurat që parashikon ligji.

 

Për kandidatët përfaqësues të organizatave rinore ose për të rinjtë, duhet të përmbushen kriteret e mëposhtme:

 

a) të jetë përfaqësues e një organizate rinore ose për të rinjtë;

b) të mos jetë i dënuar;

c) të ketë përvojë në projekte, nisma dhe veprimtari rinore dhe për të rinjtë;

d) të mos ketë konflikt interesi për shkak të angazhimit të KVR;

 

Kandidatët  për NJË vend vakant në KVR, përfaqësues të organizatave rinore ose për të rinjtë duhet të paraqesin interesin e tyre, në adresën:

Drejtoria e Përgjithshme e Integrimit, Politikave Sociale dhe Informimit, Drejtoria e Marrëdhënieve me Publikun,

Sektori i  Zhvillimit Ekonomik , Promovimit, Rinisë dhe Turizmit, brenda afatit 17.10.2024 duke paraqitur dokumentet e mëposhtme:

 

a) kërkesë me shkrim ku të shprehë interesin dhe motivimin për aplikim;

b) jetëshkrim ( CV);

c) fotokopje të dokumenteve që mbështesin shënimet e jetëshkrimit;

d) vërtetim të gjendjes gjyqësore;

dh) vetëdeklarim lidhur me shmangien e konfliktit të interesave;

e) referenca nga të paktën 2 bashkëpunëtorë të mëparshëm;

 

 

Shqyrtimi i aplikimeve dhe përzgjedhja e tyre bëhet brenda 10 (dhjetë) ditëve kalendarike nga data e mbylljes së aplikimeve.

Njoftimi i fituesit do të publikohet në faqen zyrtare të institucionit Bashkia Lushnje, në mjediset e Bashkisë dhe/ose në rrjetet sociale të institucionit.