Përurohet Qendra Shëndetësore në lagjen “Gafurr Muço”, shërbim cilësor për mijëra banorë

Lagjja “Gafurr Muço” në Lushnjë do të ketë nga tani e në vazhdim një Qendër Shëndetesore bashkëkohore që plotëson nevojat e komunitetit për këtë shërbim.

Puna për ndërtimin e saj u mbështet nga Fondacioni “Mirënjohja”. Përgjegjësi i këtij Fondacioni për Ballkanin Mahmoud Al’ Najadi së bashku me Drejtorin e zyrës për vendin tonë Samet Shehu si dhe Myftiun e Lushnjës Gramoz Blliku morën pjesë në inaugurimin e Qendrës bashkë me kryebashkiaken Eriselda Sefa.

Znj.Sefa falenderoi Fondacionin “Mirënjohja” për bashkëpunimin në përmirësimin e infrastrukturës publike me disa projekte, e në shenje falenderimi i dha Z. Mahmoud Al’ Najadi një “Certifikatë Mirënjohje” në emër të Bashkisë Lushnjë.

Po ashtu kryebashkiakja vleresoi rolin e Myftiut Gramoz Blliku për angazhimin social në të gjithë territorin e Lushnjës.

 

Inaugurohet Qendra Rinore Multifunksionale Lushnjë

U inaugurua këtë të mërkurë Qendra Rinore Multifunksionale Lushnjë pjesë e projektit  “Çliro potencialin e të rinjve të Lushnjës”, fituar nga Bashkia Lushnjë.

 

Në ceremoninë e zhvilluar me këtë rast morën pjesë kryebashkiakja Eriselda Sefa,  Marie AUGOUY  Përfaqësuese e Delegacionit të BE në Shqipëri,

Adelina Farrici  Drejtoreshë Ekzekutive e Shoqatës për Autonomi Vendore në Shqipëri, si dhe Elton STAFA  Përfaqësues i projektit “BE për Bashkitë”.

 

Znj.Sefa falenderoi partnerët e huaj për mbështetjen e shtuar Bashkisë Lushnjë përmes implementimit të disa projekteve me natyrë socio-kulturore në këtë Bashki.

 

Pas ceremonisë inauguruese, aktiviteti vijoi me një ekspozitë pikture dhe riciklimi për promovimin e vlerave të BE-së, si dhe debatin rinor me temë: “Qyteti im në familjen e BE”.

 

Ky projekt zbatohet nga Bashkia Lushnje në kuadër të skemës së granteve “BE për Bashkitë”, i financuar nga Bashkimi Evropian.

 

Konstituohet Këshilli Bashkiak i Lushnjës, Eriselda Sefa betohet dhe merr detyrën

Këtë të martë u zhvillua mbledhje e Konstituimit të Këshillit Bashkiak Lushnjë e pasuar edhe nga betimi i znj.Eriselda Sefa si kryetare e bashkisë Lushnjë.

Në krye të Këshillit Bashkiak Lushnjë për  mandatin e ri të pushtetit lokal 2023-2027 u zgjodh me shumicë votash Z.Erjet Dhima, ndërsa Zv.Kryetare Znj,Merjeme Dervishi dhe Znj.Kozeta Guçi.

Këshilli Bashkiak Lushnjë me votim të fshehte përcaktoi edhe pesë anëtarët që do të përfaqësojnë Lushnjën në Këshillin e Qarkut Fier.

Pas betimit, Znj.Eriselda Sefa në fjalën e saj të parë si kryetare e rizgjedhur për një mandat të plotë, konfirmoi angazhimin për të qeverisur me transparence të plotë, përkushtim maksimal dhe komunikim të vazhdueshëm jo vetëm me të gjitha forcat politike të përfaqësuara në Këshillin Bashkiak, por mbi të gjitha bashkëqeverisje me qytetarët, të cilët do të gjejnë sikurse tha Znj.Sefa, tek bashkia Lushnjë, një derë të hapur për cdo shqetësim me interes publik dhe jo vetëm.

Të pranishëm në mbledhjen e Konstituimit Prefekti Z.Lefter Shehaj, kreu i grupit parlamentar të PS, Z.Taulant Balla si dhe deputetë të parlamentit të Shqiperisë për qarkun Fier.

Transformohet infrastruktura në Njësinë Ballagat, rehabilitohen rrugët në Gjuzaj dhe Gjyshaj

Bashkia e Lushnjës po punon intensivisht për të realizuar edhe dy investime të tjera më rëndësi për infrastrukturën publike në zonat rurale.

Fokusi gjatë këtyre javëve ka qënë tek dy segmente rrugore në zonën kodrinore të Darsisë.

Konkretisht Ndërmarrja Bashkiake vijon me intensitet të punojë në rrugën e Gjuzajt dhe të Gjyshajt, dy fshatra të Njësisë Adninistrative Ballagat.

Në Gjuzaj investimi ka qënë me kompleks sepse është dashur të ndërtohen edhe  mure betoni në disa pjesë për të shmangur rreshkitjen e tokës dhe dëmtimin e rrugës në të ardhmen.

Ndërsa në Gjyshaj terreni mbi të cilin po punohet për rehabilitimin e rrugës është shumë më i mirë.

Puna për asfaltimin e këtyre dy segmenteve pritet të përfundojë brenda mesit të muajit qershor.

Këto dy investime kanë qënë kërkese e kahershme e qindra familjeve të këtyre zonave të cilat përvec një cilësie jete shumë më të mirë, do të kenë lehtësi të shtuara edhe në punën e tyre të përditshme në bujqësi.

Synimi i Bashkisë Lushnjë është që të mbyllen sa më shpejt rehabilitimet e akseve kryesore në Njësitë Administrative, për ta zhvendosur fokusin pastaj tek urbanizmi i fshatrave dhe sistemimi i blloqeve të banimit në qytet.