Banesat Sociale në Lushnjë; ja kriteret për familjet që mund të aplikojnë

NJOFTIM

 

Në kuadër të bashkëpunimit institucional midis Entit Kombëtar të Banesave (EKB) dhe Bashkisë Lushnje lidhur me mundësinë e ndërtimit të një objekti me kosto te ulet, informon të gjithë qytetarët e saj, të cilët janë të interesuar për të aplikuar për banesa me kosto të ulët (BKU), të paraqesin kërkesat e tyre pranë Institucionit tonë.

Kuptimi i banesave me kosto të ulët:

 

Banesë me kosto të ulët (BKU) konsiderohet banesa që plotëson të gjitha kushtet teknike, standardet e ndërtimit dhe normat e strehimit në fuqi, që është e paracaktuar për t’u disponuar në pronësi nga përfituesi, nëpërmjet formave të ndryshme të lehtësimit nga institucionet shtetërore.

Banesat me kosto të ulët që sigurohen nëpërmjet ndërtimit, në njësitë e vetëqeverisjes vendore, ku vlerat e tregut janë me të larta se kostoja e ndërtimit, shiten me çmim nën vlerën e tregut, por jo nën vlerën e kostos së ndërtimit.

 

Përfitojnë nga programi i banesave me kosto të ulët (BKU):

 

Familjet me të ardhura mujore jo më të larta se të ardhurat mesatare të njësisë së vetëqeverisjes vendore përkatëse:

 

Vërtetojnë se nuk kanë banesë ose nuk kanë kryer asnjë transaksion për tjetërsimin e pronësisë, të paktën në 5 vitet e fundit, përveç rastit kur pronësia mbi to ka humbur për shkak të një fatkeqësie (vdekje apo sëmundje e rëndë) ose force madhore;

Zotërojnë sipërfaqe banimi nën normat e strehimit;

Janë të zhvendosura nga banesat, sipas parashikimeve të nenit 6 të ligjit “Për strehimin social”.

Personat e interesuar mund të paraqiten pranë Zyrës së Strehimit ose Zyrës së Informacionit në Bashkinë Lushnje, për tu njohur me kushtet dhe proçedurat e aplikimit.

 

 

Konsultim publik/ Dhënia me qira e ngastrës nr.1/b, Balaj-Mollas

Këshilli Bashkiak Lushnjë organizoi në datën 12/02/2024 një Konsultim Publik në lidhje me kërkesen e bashkia Lushnjë për të miratuar dhënien më qira të sipërfaqes prej 500 m2 të ngastrës nr.1/b, e cila bën pjesë në ekonominë pyjore Balaj-Mollas, në Njësinë Administrative Karbunarë.

 

Sipërfaqja prej 500 m2, pronë e bashkisë Lushnjë ishte dhënë me qira një subjekti privat në 5 shkurt të vitit 2019. Duke qënë se kjo kontratë ka përfunduar dhe ka kërkëse të re për ta marrë në përdorim kundrejt qirasë,  u zhvillua ky konsultim publik sipas parashikimeve ligjore për tërheqjen e mendimit te qytetarëve, biznesit, shoqërisë civile apo medias në lidhje me këtë projekt-akt.

Konsultimi Publik u zhvillua në Njësinë Administrative Karbunarë me pjesmarrjen e banorëve të zonës, grupeve të interesit dhe përfaqësuesve të administratës bashkiake dhe Këshilltarë Bashkiakë.

Pas diskutimeve mes të pranishmeve, pati dakortësi për projekt-aktin e paraqitur nga bashkia Lushnjë.

 

Përkujtohet 104-vjetori i “Kongresit të Lushnjës”

Lushnja përkujtoi 104 vjetorin e nisjes së punimeve të Kongresit Kombëtar të Lushnjës, një prej ngjareve më të rëndësishme në historine e shtetformimit të vendit tonë. Të pranishëm në aktivitetet për nder të kësaj ngjarje të madhe kombëtare ishin persalitetet të jetës politike e publike, sikurse Ministri i Brendshëm Taulant Balla, Prefektja e Fierit Rajmonda Balili, deputetë të Lushnjës, drejtues të pushtetit lokal sikurse nënkryetari i bashkisë Elton Korreshi, pasardhës të familjeve patriotike të Lushnjës që kontribuan në zhvillimin e këtij Kongresi, si dhe intelektualë e personazhe të tjerë të jetë qytetare në Lushnjë. Të pranishmit vizituan “Shtëpinë e Kongresit” dhe rikonfirmuan domosdoshmërinë e shtimit të rëndësisë karshi kësaj ngjarje historike për Shqiperinë dhe shqiptarët.

Punimet e Kongresit të Lushnjës zgjatën deri në 31 janar 1920 dhe kulmuan me miratimin e Aktit Themeltar të Pavarësisë së Shqipërisë dhe krijimin e një qeverie të re, vendime që kishin në fokus një shtet të pavarur me institucione qeverisëse, të cilat do të pamundësonin copëtimin e mëtejshëm të Shqipërisë.

 

Bashkitë më të suksesshme/ Bashkia Lushnjë futet në proçesin e certifikimit me “Business Friendly Certifications”

“Bashkia Lushnje”  është bashkia e dytë që bëhet pjesë e procesit të certifikimit me “Business Friendly Certifications”, në kuadër të projektit BFC &SEE të çertifikimit dhe garës rajonale në mes të bashkive më të suksesshme në Evropën juglindore!

 

Firmosja e kësaj marrëveshjeje me Drejtoreshën Ekzekutive të SHAV, Adelina Farrici, njëkohësisht dhe përfaqesuese e sekretariatit të BFC &SEE është një hap i rëndësishëm drejt rritjes së mundësive për bashkëpunime e kooperime me institucionet homologe europiane në funksion të zhvillimit të potencialit për bizneset lokale të Lushnjës!

 

Jo vetëm kaq, por duke plotësuar kriteret e kërkuara Bashkia Lushnjë mund të jetë ndër të parat bashki në Shqipëri që mund marrë çertifikatën BFC &SEE, duke shtuar shumë shanset për të thithur investime të huaja!