Kryetarja e Bashkisë Lushnjë Eriselda Sefa pritet nga kryediplomati shqiptar në Zvicër, Valon Gashi: në fokus projektet mbështetëse zvicerane

Këtë të premte, në kuadër të pjesëmarrjes në Festivalin Folklorik Mbarëkombëtar “Ilirët Jehojnë” në Lozanë, Kryetarja e Bashkisë znj.Eriselda Sefa u prit në Ambasadën e Republikës së Shqipërisë në Bernë nga Sekretari i Parë, z. Valon Gashi

 

Gjatë takimit u diskutua mbi projektet që Bashkia Lushnjë po zhvillon me mbështetjen e Qeverisë Zvicerane, si dhe mbi mundësitë për nisma të reja bashkëpunimi me qytete dhe institucione zvicerane.

 

Znj.Sefa i shprehu mirënjohje Ambasadës për pritjen dhe angazhimin e vazhdueshëm në mbështetje të komuniteteve dhe bashkëpunimeve ndërinstitucionale.

 

Kryetarja e Bashkisë Lushnjë vlerësoi angazhimin e z.Valon Gashi dhe përfaqësuesve të Ambasadës sonë në Zvicër për të unifikuar dhe forcuar zërin e diasporës shqiptare, shoqëruar me aktivitete të shpeshta që ruajnë dhe promojnë traditat dhe kulturën e popullit tonë, elementë vërtet për t’u admiruar!

 

Qeveria zvicerane e ka mbështetur Bashkinë Lushnjë në disa projekte që kanë në fokus shërbimet sociale, përmirësimin e infrastrukturës arsimore dhe integrimin e komunitetit rom në shoqëri. Për tu vlerësuar edhe asistenca e projektit “Bashki të Forta” për Këshillit Bashkiak Lushnjë, për forcimin e transparencës dhe demokratizimin e këtij organi.

 

BURSAT E ARSIMIT TË MESËM PARAUNIVERSITAR PROFESIONAL PËR VITIN SHKOLLOR 2025 -2026/ KRITERET DHE AFATI I DORËZIMIT TË DOKUMENTACIONIT

Në zbatim të, Vendimit të Këshillit të Ministrave nr 666 date 10.10.2019 ” Për kuotat financiare të ushqimit në mensa e konvikte dhe përcaktimin e kritereve për përfitimin e bursave e të pagesave për nxënësit e Arsimit Parauniversitar, si dhe format e tjera të përkujdesjes ndaj kategorive të vecanta në Institucionet Arsimore Parauniversitare Publike” të ndryshuar, me qëllim që cdo fëmijë / nxënës të mund të jetë i vlerësuar , të regjistrohet dhe të ndjekë arsimin në institucione arsimore parauniversitare publike në vitin shkollorë 2025-2026 në arritjen e qëllimit, ka planifikuar bursa për nxënësit e arsimit parauniversitarë.

 

Mbështetur në kriteret e Vendimit të Këshillit të Ministrave nr.666 datë10.10.2019, të ndryshuar, përfitojnë bursë:

 

1.Nxënësit, të cilët ndjekin studimet në institucionin arsimorë publikë të arsimit parauniversitarë ,mund të perfitojnë bursa dhe përfitime të tjera , të parashikuara në këtë vendim , nga buxheti vjetor i miratuar për ministrinë përgjegjëse për arsimin dhe ministrinë përgjegjëse për arsimin profesional.

2.Nxënësit,të cilët ndjekin arsimin parauniversitar me kohë të plotë dhe arsimin e mesëm profes ional në institucione arsimore publike, përfitojnë bursë brënda kuotave dhe kritereve , si më poshtë vijon :

 

2.1 Kriteri ekonomik:

a) nxënësit e arsimit parauniversitar , të cilët ndjekin procesin mësimor në largësi mbi 5Km nga vendbanimi i përheshëm i tyre , qe plotësojnë kriterin ekonomik ,sipas pasqyrës nr 1, që i bashkëlidhet këtij vendimi, dhe që akomodohen në konvikte publike

b)nxënësit e arsimit parauniversitar, te cilët banojnë në zonat rurale që nuk kanë shkollë 9-vjecare brënda rrezes prej 5 Km ,të cilët plotësojnë kriterin ekonomi ksipas pasqyres nr1 , dhe që akomodohen ne konvikte publike

c) nxënsit, femijë të familjeve në nevojë, që janë regjistruar në arsimin bazë ,por në pamundësi financiare , nuk ndjekin arsimin bazë.

 

2.2 Kriteri i rezultateve te arritura

Nxënësit e arsimit profesional , të cilët kanë mbaruar vitin shkollor paraardhës me notën mesatare 9(nënte) deri në 10 (dhjetë).

 

2.3 Kriteri joekonomik:

a) nxënësit, të cilët kanë përfituar statusin e jetimit,

b) nxënësit, të cilët kanë humbur kujdestarinë prindërore me vendime gjykate të formës së prerë,

c) nxënësit, të cilët gëzojnë statusin ligjor të invalidit paraplegjik dhe tetraplegjik si dhe nxënësit me aftësi te kufizuara ,të vërtetuar nga komisioni mjekoligjor.

ç) nxënësit, të cilët gezojnë statusin ligjor që nuk shikojnë apo nuk dëgjojnë

d) nxënësit, femijë të personit / personave që gëzojnë statusin e invalidit

dh) nxënësit e pakicës kombëtare rome dhe egjiptiane, të cilët regjistrohen dhe ndjekin arsimin e mesëm profesional                                              e) nxënësit të cilët janë indentifikuar dhe trajtuar si viktima të trafikut të qënieve njërëzore dhe kanë humbur kujdestarinë prindërore,

ë) nxënësit, fëmijë të punonjësve të Policisë së Shtetit,Gardës së Republikës, Shërbimit të Kontrollit të Brëndshëm, te Shërbimit të Mbrojtjes nga Zjarri dhe të Shpëtimit, Forcave te Armatosura, Shërbimit Informativ të Shtetit dhe të Policisë të Burgjeve, të cilët kanë humbur jetën në kryje dhe për shkak të detyrës.

f) nxënëset (vajza) të cilat ndjekin drejtimet mësimore mekanike, elektronikë , elektronikë, punim druri, gjeodezi, shërbim mjete transporti , termo- hidraulikë.

g) nxënësit me një prind , kur njëri prej prindërve nuk jeton.

gj) nxënëset , të cilat regjistrohen në arsimin profesional në të gjitha drejtimet mësimore, përjashtuar ato që përfitojnë nga shkronja ”f ”, e këtij vendimi , trajtohen me 50% të bursës.

 

 

 ME RËNDËSI!

Afati i fundit për dorëzimin e dokumentacionit të mësipërm do të jetë data 14/11/2025.

Dorëzimi i dokumentacionit do të bëhet në Drejtorinë e Përgjithshme të Integrimit, Politikave Sociale dhe Informimit, Sektori i Zhvillimit Ekonomik, Promovimit, Rinisë dhe Turizmit, Bashkia Lushnje.

 

Buxheti dhe Paketa Fiskale 2026/ Mbyllet kalendari i Dëgjesave Publike në Njësitë dhe Rajonet e Lushnjës

Këshilli Bashkiak Lushnjë  në bashkëpunim me administratën e bashkisë Lushnjë mbyllën kalendarin e Dëgjesave Publike në kuadër të hartimit të Buxhetit 2026, Paketës Fiskale 2026 si dhe Projekt-buxhetit Afatmesëm 2026-2028. Referuar rregulloreve të zhvillimit të Dëgjesave Publike, pas hartimit të kalendarit dhe afishimit të këtij kalendari në Njësitë Administrative dhe Rajonet e qytetit, u zhvilluan takimet me të gjitha komunitetet e bashkia Lushnjë, specifikisht në të gjitha qëndrat e Njësive Administrative dhe Rajonet e qytetit të Lushnjës. Në Dëgjesat Publike, përvec detyrimit të pjesmarrjes së drejtuesve të Njësive Administrative dhe kryetareve të fshatrave, ishin të pranishëm banorë, përfaqësues të bizneseve, grupeve të tjera të interesit e në shumë raste edhe përfaqësues nga media lokale. Pjesë e kalendarit të Dëgjesave Publike ishin edhe takimet me pensionistët si dhe të rinjtë dhe të rejat e Lushnjës. Kryetarja e bashkisë Lushnjë Znj.Eriselda Sefa, Kryetari i Këshillit Bashkiak Lushnjë z.Erjet Dhima si dhe  përfaqësuesit e Këshillit Bashkiak sipas zonave që përfaqësojnë, diskutuan dhe pranuan propozime dhe rekomandime mbi prioritetet që bashkia Lushnjë duhet të ketë në Buxhetin e vitit 2026.   Znj.Eriselda Sefa e konsideroi me rëndësi qasjen e administratës së bashkisë Lushnjë, por edhe të Këshillit Bashkiak për të trajtuar me kujdes prioritetet sipas zonave, pa cënuar shpërndarjen e fondeve në mënyrë të njëjtrajtshme në Njësitë Adminstrative dhe Rajonet. Znj.Sefa sqaroi se infrastruktura bujqësore bashkë me investimin ne mjetet teknologjike që I shërbejne ndërhyrjeve në infrastrukturën bujqësore dhe jo vetëm, do të kenë një vëmendje të shtuar në Buxhetin e 2026 që do ti propozohet për miratim Këshillit Bashkiak Lushnjë. Investimet në infrastrukturën rrugore në zonat urbane dhe rurale mbeten ende pjesa më e madhe e projekteve që kërkohen të investohen, ndërkohe që nuk mbeten pas detyrimet për alokuar fondet e nevojshme në buxhetin e ri për shërbimin e pastrimit, shërbimet sociale apo edhe përmirësimin e infrastrukturës arsimore dhe shëndetësore. Fondi rinor, zërat që lidhen domosdoshmërisht me aktivitetet kulturore dhe artistike në Lushnjë, e natyrisht edhe sporti, do të vazhdojnë të kene vëmendjen që Lushnja meriton. Projekt-buxheti 2026 synon të jetë gjithëpërfshirës dhe me impakt të rëndësishëm në vijimin e punës për transformimin rrënjësor të Lushnjës.

Ketu do të gjeni :

RAPORT I DEGJESAVE PUBLIKE PER PBA 2026-2028

 

Sesion informues nga Këshilli i Bashkisë Lushnje

Të nderuar qytetarë!

Në datë 26 shtator 2025, ora 11:00, Këshilli i Bashkisë organizon Sesionin Informues për veprimtarinë e punës së tij pothuaj 2 vjecare. Sesioni organizohet në sallën e Këshillit të Bashkisë.

Janë të nderuar të marrin pjesë në këtë sesion përfaqësues të shoqërisë civile, përfaqësues të grupeve sociale (me ndihmë ekonomike, invalidë, të verbër etj), përfaqësues nga biznesi, të rinjte, gratë, pensionistë, intelektualë aktivistë, media, artistë, sportistë, struktura komunitare, kryetarë fshatrash, institucione shtetërore e private, drejtorë të bashkisë e të tjerë të interesuar.

Transparenca dhe llogaridhënia janë parimet kryesore të veprimtarisë së këshillit. Në faqen zyrtare të Këshillit në web, publikohet gjithë veprimtaria e tij, transmetohen drejtpërdrejt mbledhjet dhe organizohen konsultime publike me grupet e interesit, përpara vendimarrjeve.

Pjesë e transparencës dhe llogaridhënies është edhe organizimi i këtij Sesioni Informues të Këshillit të Bashkisë, që jo vetem te informoheni per punën e deritanishme, por dhe që të dëgjojmë opnionet dhe rekomandimet tuaja, me qëllim përmirësimin e punës sone.

Ky aktivitet mbështetet nga Projekti Bashki të Forta, që është një projekt i Agjencisë Zvicerane për Zhvillim dhe Bashkëpunim SDC, dhe Qeverisë së Suedisë, i zbatuar nga Helvetas.

 

– Njoftimi i sesionit informues

– Material informues për qytetarët

– Agjenda e sesionit informues