Accesso




Skip Navigation Links > Kreu > Sherbimet > Ngritja e kapaciteteve të stafit të shërbimit social të Bashkisë Lushnje për shërbime ndaj P.A.K

Ngritja e kapaciteteve të stafit të shërbimit social të Bashkisë Lushnje për shërbime ndaj P.A.K


Bashkia Lushnje  po zbaton projektin “Ngritja e kapaciteteve të stafit të shërbimit social të Bashkisë Lushnje për shërbime ndaj P.A.K” si pjesë e Programit të Përbashkët të Kombeve të Bashkuara “Askush të mos mbetet pas” të Programit të Përbashkët të OKB-së , “Askush të mos mbetet pas”. Projekti konsiston në: 

 

- Ngritjen e kapaciteteve të punonjësve të Drejtorisë së Shërbimit Social, Administratorëve Shoqëror, si dhe Qendrës së Zhvillimit Lushnje për të ofruar asistencë ndaj kujdestarevë të përsonave PAK. 

- Ngritjen e kapaciteteve të 57 kujdestarëve/prindërve për të mundësuar ofrimin e shërbimeve imediate për fëmijët me AK në kushtet e shtëpisë. 

-Rritjen e ndërgjegjësimit të familjeve që kanë fëmijë me aftësi të kufizuar, për rëndësinë e kujdesit shëndetësor në kushtet e pandemisë së shkaktuar   nga COVID-19. 

Ofrimi i shërbimeve të specializuara për 57 fëmijë me aftësi të kufizuar që frekuentojnë Qendrën e Zhvillimit Lushnje, duke zbatuar elementet e distancimit fizik. 

Rezultatet e pritshme nga projekti janë: 

Përgjatë këtyre muajve, projekti synon të arrijë këto rezultate: 

  • 12 Specialistë të Qendrës së Zhvillimit Lushnje, më të  kualifikuar për të dhënë shërbime duke respektuar protokollin e COVID-19  të vendosur në këto qendra për 57 fëmijët që e frekuentojnë atë; 
  • 57 kujdestarë/ prindër të fëmijëve me aftësi të kufizuara që frekuentojnë Qendrën e Zhvillimit, të trajnuar për t’u kujdesur dhe për të ofruar shërbime në kushte shtëpie; 
  • 57 fëmijë me AK që janë pjesë shërbimeve të Qendrës së Zhvillimit Lushnje marrin shërbime të specializuara në banesë ; 
  • Qëndra e Zhvillimit Lushnje jep shërbimin e specializuar edhe gjate përiudhave të pandemisë COVID-19; 
  • 23 Punonjës të Drejtorisë së Shërbimit Social dhe Administratorë Shoqëror më të kualifikuar për t’i dhënë fëmijëve që nuk frekuentojnë Qendrën,  udhëzimet e nevojshme; 
  • Komunitet më i ndërgjegjësuar ndaj personave me aftësi të kufizuar fizike. 

    Ky projekt mbështetet nga UNDP në Shqipëri, në partneritet të ngushtë me Ministrinë e Shëndetësisë dhe Mbrojtjes Sociale, në kuadër të Programit të Përbashkët të Kombeve të Bashkuara “Askush të mos mbetet pas”, i cili financohet nga Qeveria Zvicerane. 




 



Eventet

<tetor 2021>
HënMarMërEnjPreShtDie
27282930123
45678910
11121314151617
18192021222324
25262728293031
1234567

Se shpejti


Buletini Informativ